為左應付呢個考試仲要先洗未來假，拎advance leave去溫書同考試(考試竟然係平日既上晝...)
考試既模式就同以前考AL時一樣，晨早起身，拎住張大大的准考證，去一個從未見過既學校考試
考試同考Geog / 中史好似，有8題選4題作答，有15分鐘reading time俾你揀答邊題同做下rough notes，之後三小時就係咁寫寫寫寫寫
真係覺得自己年紀大左，讀極都讀唔入腦，考試時寫左兩小時左右已經有種力盡的感覺，但當睇到隔離行那位考生經常四圍望，寫少少又停下飲下水，自己心裡難免會因為我仲有野寫而暗暗地沾沾自喜
考最後一科那天，竟然係公眾假期，考完第一件事，就當然係約某人出黎
結果，當日成為我史上第一次一日之內睇左三套戲既一天
下午: 血色童話 @ 電影中心
感覺上成套戲驚嚇位唔太多，而且去得好慢，有少少想訓
有人認為成個故仔其實只係一隻少女彊屍搵個人幫佢殺人拎血
我就諗起主角呢類被排斥既人，就好似傳說中既吸血彊屍咁，都係為世所不容。中世紀好多所謂的怪物，就係因為人對"不正常"既人產生恐懼，將佢地妖魔化後既產物。
另外，就係諗起東京都知事石原慎太郎對日本校園欺凌既回應，就係叫被欺凌者"努力奮戰"，做一個欺凌者
晚上: 維多利亞壹號@旺角百老匯
一套標榜諷刺地產商既戲，turnout我覺得完全唔關事，只係一個同買樓有關既故事而已
"係一個瘋狂既城市，要生存，就要比佢更瘋狂"，如果佢"瘋狂"係指不自量力，咁就對題了
話何超係比地產商迫上成魔之路，倒不如話係因為佢太大想頭...
明報地產版主篇陸振球講過，佢有朋友成日喊無錢買樓，佢再問落去，先發現佢地一定要第一個買既樓就要有club house, 交通方便, etc，舊樓免問，租樓免問，佢就係話呢班友不切實際
如果你話因為你月入萬幾銀，買唔到平靚正既一手樓，就係政府既錯社會既錯，我就真係無法認同
除此之外，套戲就係賣核突，眼又飛出黎，腸又飛出黎，頭又爆頸又嘖血，真係愈睇愈誇張，亦愈睇愈好笑
午夜場: 飛砂風中轉@旺角百老匯
惡搞港產古惑仔/無間道，笑料夠多，有d都幾應，特別係玩無間道果d，可能因為我只係有睇過無間道
我覺得自己果日好勁，考完個試仲有精神睇三套戲又無訓著..哈哈哈
亦好多謝她全日陪我係度癲~~好開心~~~
沒有留言:
張貼留言